Նյարդաբանությունը զբաղվում է կենտրոնական և ծայրամասային նյարդային համակարգի հիվանդությունների ախտորոշմամբ, բուժմամբ և հսկողությամբ։ Նյարդաբանի գնահատման ոլորտում են գլխուղեղի, ողնուղեղի, նյարդերի և նյարդամկանային համակարգի տարբեր խանգարումները։
Խորհրդատվության ժամանակ բժիշկը մանրամասն գնահատում է գանգատների բնույթն ու տևողությունը, կատարում նյարդաբանական զննում և որոշում՝ արդյոք անհրաժեշտ են լրացուցիչ հետազոտություններ։
- հաճախակի կամ նոր բնույթի գլխացավեր և գլխապտույտ
- ձեռքերի կամ ոտքերի թմրածություն, ծակծկոց կամ զգացողության փոփոխություն
- մկանային թուլություն, շարժումների կամ հավասարակշռության խանգարում
- մեջքի կամ պարանոցի ցավ՝ նյարդաբանական ախտանիշներով
- հիշողության, ուշադրության, քնի կամ գիտակցության փոփոխություններ
- ցնցումներ, դող կամ այլ ակամա շարժումներ
Ախտորոշման հիմքում նյարդաբանական զննումն է։ Ըստ կլինիկական պատկերի բժիշկը կարող է առաջարկել գլխուղեղի կամ ողնաշարի ՄՌՏ/ՀՏ, էլեկտրաէնցեֆալոգրաֆիա, էլեկտրոնեյրոմիոգրաֆիա, անոթների դուպլեքս հետազոտություն կամ լաբորատոր քննություններ։ Հետազոտությունների ընտրությունը միշտ կախված է կոնկրետ գանգատներից և զննման արդյունքներից։
Տեղեկատվությունը ընդհանուր բնույթի է և չի փոխարինում բժշկի անհատական խորհրդատվությանը։
