Ընտանեկան բժշկությունը առողջության առաջնային պահպանման հիմնական օղակներից է։ Ընտանեկան բժիշկը առաջին մասնագետն է, ում կարելի է դիմել առողջական ամենատարբեր հարցերով՝ կանխարգելիչ զննումից և առողջության ընդհանուր գնահատումից մինչև սուր կամ քրոնիկ գանգատների նախնական վարում։
Խորհրդատվության ընթացքում բժիշկը գնահատում է գանգատները, հիվանդության պատմությունը, չափում և զննում է անհրաժեշտ ցուցանիշները, հետևում քրոնիկ հիվանդությունների ընթացքին և, ըստ անհրաժեշտության, նշանակում հետազոտություններ կամ ուղղորդում համապատասխան նեղ մասնագետի։
FamilyMed-ում համայնքի բնակիչները կարող են գրանցվել և ընտրել ընտանեկան բժիշկ՝ սահմանված կարգով օգտվելու պետության կողմից երաշխավորված անվճար բժշկական օգնությունից և սպասարկումից։
- ջերմություն, ընդհանուր թուլություն, հազ, կոկորդի ցավ կամ սուր հիվանդության այլ նշաններ
- արյան ճնշման տատանումներ, երկարատև հոգնածություն կամ ինքնազգացողության փոփոխություն
- քրոնիկ հիվանդությունների պարբերական հսկողության անհրաժեշտություն
- կանխարգելիչ զննման, պատվաստումների կամ առողջ ապրելակերպի վերաբերյալ հարցեր
- անհասկանալի գանգատներ, երբ դեռ պարզ չէ՝ որ նեղ մասնագետին դիմել
Ախտորոշումը սկսվում է բժշկի հարցումից և ֆիզիկական զննությունից։ Կախված գանգատներից՝ կարող են անհրաժեշտ լինել լաբորատոր կամ գործիքային հետազոտություններ և այլ մասնագետների խորհրդատվություն։ Ընտանեկան բժիշկը համակարգում է հետագա քայլերը և հետևում բուժառուի առողջական վիճակին ժամանակի ընթացքում։
Տեղեկատվությունը ընդհանուր բնույթի է և չի փոխարինում բժշկի անհատական խորհրդատվությանը։
